Guðmundur Árni býður sig fram til varaformanns: „Hef fengið hvatn­ingu og mikið af hring­ing­um“

Fram kemur í frétt mbl.is að Guðmund­ur Árni Stef­áns­son, odd­viti Sam­fylk­ing­ar­inn­ar í Hafn­ar­f­irði, ætli sér að bjóða sig fram í að verða vara­formaður Sam­fylk­ing­ar­inn­ar.

Hann var spurður hvers vegna hann til­kynni um fram­boð sitt núna:

„Vegna þess að ég hef fengið tals­verða hvatn­ingu og mikið af hring­ing­um, og menn telja að það sé ekki slæm ímynd af for­ystu Sam­fylk­ing­ar­inn­ar að hafa unga og kjarkaða konu í for­ystu og gaml­an hund hok­inn af reynslu henni við hlið.“

Borg­ar­full­trúi Sam­fylk­ing­ar­inn­ar, vara­formaður flokks­ins og nýr formaður Sam­bands ís­lenskra sveit­ar­fé­laga, Heiða Björg Hilm­is­dótt­ir, gaf það út í dag að hún myndi ekki sækj­ast eft­ir end­ur­kjöri til vara­for­manns.

Eins og staðan er núna eru Kristrún Frostadóttir og Guðmund­ur Árni Stefánsson ein í fram­boði Land­fund­ur Sam­fylk­ing­ar­inn­ar, Kristrún sem formaður og Guðmundur Árni sem varaformaður, sem verður hald­inn helg­ina 28. til 29.októ­ber. Þá verður kosið til for­ystu.