Guðrún tekur við dómsmálaráðuneytinu í mars af Jóni Gunnarssyni: „Ég geri ekki ráð fyr­ir öðru“

Odd­viti Sjálf­stæðismanna í Suður­kjör­dæmi, Guðrún Haf­steins­dótt­ir, segist taka við embætti dóms­mála­ráðherra af Jóni Gunnarssyni í mars næstkomandi.

Einhverjir töldu að Guðrún myndi ekki taka við af Jóni fyrr en eft­ir þinglok, en þetta og fleira kem­ur fram í Dag­mál­um á mbl.is.

Í þætt­in­um var fært í tal að til stæði að Guðrún myndi taka við ráðherra­dómi á ár­inu, og þá jafnvel eft­ir þinglok.

Guðrún var spurð út í tíma­setn­ingna, og ekki stóð á svari:

„Lof­orðið var 18 mánuðum frá kosn­ing­um, það er í mars.“

Hún var einnig spurð hvort það yrði dóms­málaráðuneytið sem hún myndi taka við:

„Ég geri ekki ráð fyr­ir öðru.“