Staða Guðmundar Guðmundssonar, þjálfara karlalandsliðsins í handbolta, er erfið eftir að fyrir liggur að liðið fari heim án þess að komast í átta liða úrslit.
Í aðdraganda mótsins var mikil og móðursýkisleg umræða um það að liðið væri með öll skilyrði til þess að verða heimsmeistarar. Stórstjörnur skipuðu hvert sæti. Sérfræðingar, jafnt sem áhugafólk, voru sammála um að við færum í eitt af allra efstu sætunum. Leikmennirnir voru sjálfir á sömu skoðun.
Væntingar til landsliða fortíðarinnar eru reyndar þekktar og hafa áður komið upp og oftast endað með niðurbroti. Í dag er staðan sú að þótt landsliðið hafi skilað sínu með með nokkrum sóma og fallið úr keppni með reisn er helsta umræðuefnið hvort reka eigi Guðmund þjálfara. Þetta var til umræðu í HM-stofu Ríkissjónvarpsins. Dagur Sigurðsson, þjálfari landsliðs Japana, vildi fátt segja um það hver örlög Guðmundar ættu að verða þar sem hann væri á sama stað og Guðmundur og ekki í góðum málum með sitt landslið sem ekki hefði náð viðundandi árangri.
Staðan er sú í dag að Gummi er í skotlínunni vegna þess að stórstjörnur hans misstu fótanna …