Gunnþórunn er látin

Athafnakonan Gunnþór­unn Jóns­dótt­ir, lést þann 1. desember. Hún varð 77 ára.

Gunnþórunn var þekktust sem eigandi Olís ásamt eiginmanni sínum, Óla Kristjáni Sigurðssyni. Hann varð bráðkvaddur aðeins 46 ára.

Gunnþórunn fæddist á Ísafirði 28 janúar 1946. For­eldr­ar hennar voru Jón Jóns­son frá aðal­bók­ari og Rann­veig Elísa­bet Her­manns­dótt­ir hús­móðir og starfsmaður Skatts­ins.

Gunnþór­unn gift­ist Kristjáni Jóakims­syni skipstjóra árið 1964. Þau eignuðust þau tvö börn, Jón Kristjáns­son og Gabrí­elu Kristjáns­dótt­ur. Þau skildu árið 1973.

Gunnþór­unn lauk hár­greiðslu­námi árið 1964. Þegar hún flutti til Reykja­vík­ur árið 1973 keypti hún Hár­greiðslu­stofu Vest­ur­bæj­ar.

Gunnþór­unn hóf sam­búð með Óla Kristjáni árið 1973. Þau voru umsvifamikil í viðskiptum. Þau stofnuðu Sænsk-ís­lenska versl­un­ar­fé­lagið og ráku versl­un­ina Victor Hugo. Þau stofnuðu inn­flutn­ings­fyr­ir­tækið Sund hf. árið 1983.

Gunnþór­unn opnaði svo árið 1989 hár­geiðslu­stof­una Salon Gabrí­ela sem hún rak ásamt dótt­ur sinni. Hún var einnig ráðgjafi hjá SÁÁ á Vogi um ára­bil og var virk í góðgerðar­mál­um.

Gunnþór­unn tók við fyr­ir­tæk­inu Sund eft­ir andlát Óla. Morgunblaðið sagði frá andláti hennar og lífshlaupi. Hún verður verður jarðsung­in frá Seltjarn­ar­nes­kirkju 14. des­em­ber kl. 13.