- Auglýsing -
„Ég átti kannski von á 10-15 manns. Fjöldinn sem mætti kom mér ánægjulega á óvart,“ sagði Halla Hrund Logadóttir í samtali við Mannlíf eftir að hún gekk með stuðningsfólki sínu á Úlfarsfell. Hátt í 150 manns fylgdu forsetaframbjóðandanum eftir og hlýddi á fjallræðu Höllu á efsta tindi Úlfarsfells.
Halla hefur gengið reglulega á fjallið undanfarin ár ásamt fjölskyldu sinni. Að þessu sinni var gangan öllum opin. Úlfarsfellið er eitt vinsælasta útivistarsvæðið á höfuðborgarssvæðinu. Fjölmargir fara þar um daglega. Met var slegið í aðsókn á fjallið fyrir nokkrum árum þegar yfir 2000 manns mættu æi boði Ferðafélags Íslands til að hlýða á Stuðmenn, Ragga Bjarna og fleiri sem fluttu tónlist sína í skjóli Stóra hnúks.
