„Ég ætlaði mér að borga skattinn minn í heimabanka áðan – átti að fara á gjalddaga á morgun. Er þá ekki búið að taka hann út og væntanlega búið að taka þetta af beingreiðslum,“ segir sauðfjárbóndinn Halldóra Björnsdóttir sem er fyrrum formaður Félags sauðfjárbænda í Skagafirði, og er ósátt við skattayfirvöld, og bætir við:
„Það var allavegana gert í fyrra.“
Halldóra veltir því fyrir sér hvort hún sé sú eina í bændastétt sem er að lenda í slíku af hálfu skattayfirvalda hér á landi og er ekki sátt með stöðu mála.
Segir að „þetta fer ofboðslega í taugarnar á mér, það er eins og bændum sé ekki treystandi fyrir fjármunum eða til að borga sína skatta og skyldur eins og aðrir; bara rifið af beingreiðslum.“
Hún hvetur forsvarsmenn bænda til að koma í veg fyrir slíkt sem hún kallar sjálftöku – kallar eftir breytingum í þessum skattamálum bænda.
Og segir að „bændum er alveg treystandi til að borga sína reikninga ekki síður en öðrum.“