Hannes Hólmsteinn Gissurarson, prófessor við Háskóla Íslands, deildi í dag yfirlýsingu Ásgeirs Jónssonar, seðlabankastjóra sem ásakaður hefur verið um ritstuld nýverið. Virðist Hannes með þessu vera að styðja við bakið á Ásgeiri.
Bergveinn Birgisson, rithöfundur hefur sakað Ásgeir um ritstuld við smíði bókar sinnar Eyjan hans Ingólfs. Segir hann að Ásgeir virðist hafa tekið ansi mikið úr bók sinni, Leitin að svarta víkingnum. Því hefur Ásgeir þverneitað.
Hringbraut bendir á deilingu Hannesar í dag en verður þetta að teljast áhugavert í því ljósi að Hannes hefur verið dæmdur í Hæstarétti fyrir ritstuld á orðum nóbelsskáldsins sjálfs, Halldórs Laxness.
Segir Ásgeir í yfirlýsingu sinni sem hann birti á Facebook í dag að bækur þeirra Bergsteins séu mjög ólíka er snertir nálgun, umfjöllun og niðurstöður. Þá sagðist hann aldrei hafa áður verið sakaður um stuld enda væri það ansi heimskulegt, stöðu hans vegna.