Fjögurra ára drengur slasaðist alvarlega á leið sinni heim úr leikskólanum sínum síðastliðinn miðvikudag. Eftir aðhlynningu á Landspítalanum lést litli drengurinn að morgni fyrradags. Áfallateymi hafa verið virkjuð.
Þetta kemur fram í tilkynningu frá leikskólanum en af tillitsemi við fjölskyldu drengsins hefur nafn hans verið fjarlægt úr textanum:
„Síðastliðinn miðvikudag varð fjögurra ára barn, vinur okkar hér í leikskólanum fyrir alvarlegu slysi á leið sinni heim úr leikskólanum. Þetta slys varð til þess að drengurinn lést á mánudagsmorgun eftir aðhlynningu á Landsspítalanum. Áfallateymi leikskólans og áfallahjálparteymi Hafnarfjarðar hefur verið virkjað. Hugur okkar allra er hjá foreldrum og fjölskyldu og við sendum þeim okkar innilegustu samúðarkveðjur.“