Héðinn Svarfdal er búsettur ásamt fjölskyldu sinni á Kosta Ríka. Þar er nú talsvert óveður og vaknaði hann við að allt húsið væri á floti. Myndband af þessu má sjá hér fyrir neðan.
Héðinn segir ljóst að árið 2020 verði eftirminnilegt. „Ekki ýkja gaman ađ vakna viđ 3-4 cm af vatni á gólfinu í öllu húsinu. Talsverðar skemmdir. Sundlaugin okkar er s.s. víst þarna einhvers stađar undir nýja stöðuvatninu. Áriđ 2020 verđur a.m.k. eftirminnilegt. Þađ verđur ekki frá því tekið,“ segir Héðinn.
Héðinn var í viðtali við Mannlíf fyrr á þessu ári þar sem hann ræddi áhrif COVID á líf þeirra í Kosta Ríka. Þar opnuðu þau veitingahús við ströndina í febrúar en fóru fljótlega að berast í bökkum vegna COVID.
„Ekki nóg með að ferðamenn séu ekki til staðar, heldur hafa ótal margir misst vinnuna í kjölfarið og eru eðlilega ekki mikið að sækja í veitingahús. Við gefumst hins vegar ekki upp og áttum okkur á mikilvægi staðarins fyrir starfsfólkið okkar og fjölskyldur þeirra. Ef við komumst í gegnum þetta tímabil, ætti staðurinn að tóra um ókomna tíð,“ sagði Héðinn