Hengja upp svarta ruslapoka í búðargluggum í mótmælaskyni

Hópur kaupmanna hefur brugðið á það ráð að henga upp svarta ruslapoka í búðargluggum sínum í miðbænum til að mótmæla götulokunum.

Gunn­ar Gunn­ars­son, talsmaður Miðbæj­ar­fé­lags­ins í Reykja­vík, segir í Morg­un­blaðinu að þetta sé gert þar sem ekki þýði að ræða málin við meirihlutann í Reykjavík. „Með þess­um gjörn­ingi erum við fyrst og fremst að reyna að ná til al­menn­ings. Það þýðir ekki að tala við meiri­hlut­ann í Reykja­vík,“ útskýrir hann og segir um sé að ræða framtíð versl­ana við Lauga­veg.

Hátt í þrjátíu versl­un­ar­menn munu taka þátt í þess­um táknrænu mótmælum í dag, en ruslapokarnir eiga að tákna það sem kemur til með að gerast með óbreyttu áframhaldi: rekstr­ar­stöðvun.