- Auglýsing -
Nú nálgast lægð sunnan úr hafi; skil frá henni ganga vestur yfir landið á morgun; þá mun ganga í norðaustan kalda eða strekking; með rigningu víðast hvar. Úrkoma verður talsverð á Austfjörðum síðdegis – hvassviðri á Suðausturlandi, þar sem gul viðvörun mun verða í gildi. Ekki er þar ráðlegt að vera á ferðinni á bílum er taka á sig mikinn vind.
Annað kvöld dregur úr vindi á þessum slóðum.
Vestan til á Klakanum verður þurrt fram eftir degi; undir kvöld fer að rigna þar og hiti verður 8 til 15 stig.
Á þriðjudaginn mun lægðin grynnast; fer norðvestur yfir landið.
Breytileg átt – gola eða kaldi; væta af og til. Hiti verður á bilinu 8 til 13 stig; upp undir 19 gráður þar sem best lætur á Norðaustur- og Austurlandi.