- Auglýsing -
Hlíðaskóli sigraði Skrekk hæfileikakeppni grunnskólanna í gær, en skólinn hefur tvisvar áður unnið til verðlaunanna.
Siguratriðið úr Hlíðaskóla, Þið eruð ekki ein, fjallaði um kynsegin og hinsegin tilfinningar unglinga og viðbrögð samfélagsins við einstaklingum sem skilgreina sig utan tvíhyggju kynjakerfisins.
Átta skólar kepptu til úrslita á lokakvöldinu Árbæjarskóli, Breiðholtsskóli, Hagaskóli, Háteigsskóli, Hlíðaskóli, Laugalækjarskóli, Réttarholtsskóli og Seljaskóli. Vel á þriðja hundrað unglingar stigu á svið á lokahátíðinni þar sem Skrekkur var haldinn í 30. sinn.
Dómnefnd skipuðu stjórnendur menningarhúsa í borginni; Borgarleikhússins, Þjóðleikhússins, Hörpu, Íslenska dansflokksins og ungmenni úr ungmennaráði Samfés. Dagur B. Eggertsson borgarstjóri afhenti nemendum Hlíðaskóla verðlaunin.
- Auglýsing -
Horfa má á siguratriðið hér.