Hringdi sjálf í lögregluna og tilkynnti um manneskju í sjónum

Lögreglan hjálpaði konu upp úr sjónum við Suðurbugt Gömlu hafnarinnar í Reykjavík laust eftir klukkan tvö í nótt. Konan hafði sjálf hringt í lögregluna og tilkynnt um mann í sjónum.

Þegar lögreglan kom á vettvang var konan sem hringdi sjálf í sjónum. Lögreglumaður synti að konunni og færði hana í land.

Sjúkraflutningsmenn hlúðu síðan að konunni og fluttu hana á Bráðadeild til aðhlynningar.