Engilbert Sigurðsson prófessor í geðlæknisfræði telur hugmyndir þingmanna þess efnis að Ísland verði leiðandi í rannsóknum á gagnsemi hugvíkkandi efna í geðlækningaskyni séu með óraunhæfar, eins og fram kemur á ruv.is.
Segir einfaldlega að Landspítalinn hafi ekki burði til að sinna slíkum rannsóknum.
22 þingmenn úr öllum flokkum nema VG standa að baki tillögu á alþingi þess efnis að heimila rannsóknir og tilraunir með hugvíkkandi efnið sílósíbín sem finnst í ofskynjunarsveppum.
Komið hefur fram að fjöldi rannsóknar hafa gefið góða von um virkni þess gegn þunglyndi sem svari illa hefðbundnum lyfjum.
Áðurnefndur Engilbert segir í umsögn um þingsályktunartillöguna að hér á landi skorti innviði til slíkra rannsókna:
„Hér þýðir ekkert að henda einhverjum 50 milljónum í svona verkefni eða 100 milljónum og bara svona kýla á þetta. Það eru 300 svona tilraunir í gangi í heiminum í dag á vegum fyrirtækja sem eru alþjóðleg, tvö þau stærstu eru á markaði hjá Nasdaq og hafa yfir mjög miklum fjármunum að ráða, eru með fjölsetra rannsóknir í gangi í heiminum.“