„Það eru alltaf tvær hliðar á málum og mér finnst ekki rétt að verða fyrir skítkasti undir fullu nafni og heimilisfangi á samfélagsmiðlum. Getur hver sem er sagt hvað sem er um hvern sem er út af hverju sem er?,“ segir hundaræktandinn í samtali við Mannlíf.
Fyrr í kvöld birtum við frétt um að Kristjón Kormákur Guðjónsson sakar konuna um að hafa ekki upplýst hann og son hans um afrif hundar sonarins.
Sjá einnig: Kristjón leitar að tík sonar síns: „Syni mínum líður ömurlega og er í sárum“
„Hundurinn var búinn að vera hér í meira en hálft ár, og oft á undan því af ýmsum ástæðum. Var nýorðin tveggja ára svo það er stór hluti ævinnar. Af hverju að setja hana svona lengi frá sér ef það eru svona rosalegar tilfinningar til hennar?,“ segir konan.
„Því miður fauk gerðið í stormi í byrjun maí og því fór sem fór. Þeir feðgar mættu hér í morgun óforvarendis og hittu alla hunda og hún var ekki hér.“
Konan gagnrýnir það að vera nafngreind og heimilisfang hennar birt.
„Vissulega eru fjölmiðlar öflugt kúgunartæki sem hafa kostað fólk lífið og sést það vel í þessu máli. Þarf ekki einhverskonar sönnun á eignarrétti eða þýfi til að fara í mál? Því miður þá geta fjölmiðlar ekki endurlífgað neinn.“
Segist hún ekki vilja gera meira drama úr málinu en orðið er.
„Mér finnst alveg magnað að Kristjón er með beina hótun. Og algjörlega meðvitað og markvisst að nota samfélagsmiðla í opinbera aftöku.“