Inga Sæland var í góðum gír á Facebook síðu sinni í gær. Þar deildi hún lögum sem henni eru kær og minnisstæð.
Inga deilir laginu Say you will með hljómsveitinni Foreigner og lætur þessi orð fylgja með:
„Var svo heppin að fá að upplifa þetta yndislega blómaskeið tónlistarsögunnar. Foreigner ein af mínum uppáhalds“.
Næsti slagari sem Inga deilir er lagið What’s up með 4 non Blondes. Inga merkir frænda sinn í þá færslu og lætur eftirfarandi orð fylgja með til hans:
„þetta er svo sannarlega lagið okkar. Þarna var frænka á sama aldri og þú ert núna. Við tjúnuðum þetta svo sannarlega í botn. Minningarnar eigum við alltaf hvað sem árin segja og hverju sem lífið fleytir á fjörur okkar“.
Síðasta lagið sem Inga deilir er lag Bubba Morthens, Sem aldrei fyrr. Þar lætur Inga falleg orð falla í garð Bubba:
„Svo er það elsku Bubbi, hinn ómetanlegi fjársjóður. Okkar fjársjóður !“.
Blaðamanni þótti skemmtilegt að hugsa hvort einhver falin merking væri í lagavali Ingu. Hugsanlega gæti hún verið að leita eftir loforði kjósenda um stuðning ef horft er til lagsins, Say you will (Segðu að þú ætlir).
What’s up (Hvað er á seyði) gæti endurspeglað viðbrögð Ingu á niðurstöðu síðustu skoðanakannana sem féllu síður en svo vel fyrir Flokk fólksins.
Hvað varðar lagið, Sem aldrei fyrr gæti Inga hreinlega bara verið hamingjusöm og ástfangin sem aldrei fyrr eða hún er að falast eftir atkvæði frá Herra Bubba Morthens, hver veit.