Atvinnuleysi mældist 4,2 prósent í janúar þessa árs samkvæmt nýjustu tölum frá Hagstofu Íslands. 9.600 einstaklingar voru skráðir atvinnulausir samkvæmt árstíðaleiðréttum niðurstöðum vinnumarkaðsrannsóknar Hagstofunnar. Hefur atvinnuleysi ekki mælst hærra síðan í febrúar í fyrra en þá var það 4,9 prósent.
Á 12 mánaðatímabili mældist það lægt í 2,3 prósent en mest í 4,2 prósent í september og nú aftur í janúar.
Í tilkynningu frá Hagstofunni segir: „Árstíðaleiðrétt hlutfall atvinnulausra var 4,2%, hlutfall starfandi var 77,7% og atvinnuþátttaka 81,1%. Árstíðaleiðrétt atvinnuleysi jókst um 0,3 prósentustig á milli mánaða á sama tíma og hlutfall starfandi jókst um 1,2 prósentustig og atvinnuþátttaka um 1,5 prósentustig. Talnaefni hefur verið uppfært.“