Aðgerðarsinnar hengdu upp borða um borgina: „Ríkisstjórn fordæmið þjóðarmorð“

Aðgerðasinnar hliðhollir Palestínu hengdu upp borða á Miklubraut við Hringbraut og víðar um borg þar sem hvatt er til sniðgöngu á Ísrael.

Mannlíf fékk sendar ljósmyndir af borðum sem aðgerðarsinnar hliðhollir Palestínu hengdu upp en á þeim er meðal annars hvatt til þess að fólk sniðgangi vörur frá Ísrael og að yfirvöld á Íslandi fordæmi þjóðarmorð ísrelskra stjórnvalda á Palestínumönnum.

Samkvæmt heilbrigðisráðuneytinu í Palestínu hafa að minnsta kosti 34.000 manns verið drepnir frá árásum Hamas í Ísrael 7. október í fyrra, þar af að minnsta kosti 14.000 börn eða um 75 börn á hverjum einasta degi.