Aðgerðarsinnar sitja sem fastast í möstrum hvalveiðiskipa í Reykjavíkurhöfn

Mótmælendur hafa komið sér fyrir í möstrum tveggja hvalveiðibáta Hvals hf í Reykjavíkurhöfn. Lögreglan er á vettvangi.

Tveir mótmælendur komu sér fyrir í möstrum tveggja hvalveiðiskipa Hvals hf en annar þeirra, kvikmyndagerðakonan Anahita Babaei en hún sendi frá sér yfirlýsingu þar sem hún sagðist harma ákvörðun Svandísar Svavarsdóttur um að leyfa aftur hvalveiðar og segir veiðarnar í berhöggi við íslensk lög um dýravelferð. Þá sagðist hún hafa klifrað upp í mastur Hvals 8 í því skyni að reyna að koma í veg fyrir dráp á langreyðum, dýrum í útrýmingahættu.

Samkvæmt blaðamanni Mannlífs er stemmingin í Reykjavíkurhöfn nokkuð róleg en lögreglan er á svæðinu, bæði á merktum og ómerktum bílum. Mótmælendurnir eru með einhverjar handabendingar en tjá sig annars ekkert. Samkvæmt frétt RÚV eru símar þeirra batteríslausir svo ekki er hægt að hafa samskipti við þá í gegnum síma.