Aðili í annarlegu ástandi ógnaði í sameign – Óvelkomnum vísað úr íbúð

Rólegt hefur verið á höfuðborgarsvæðinu frá fimm í morgun, samkvæmt dagbók lögreglunnar. Aðeins einn gistir nú fangageymslu.

Í Laugardalnum var tilkynnt um þjófnað í verslun en málið var afgreitt með vettvangsskýrslu. Þá var óvelkominn aðili í íbúð í sama hverfi vísað út.

Í hverfi 103 var einnig tilkynnt um þjófnað í verslun og var afgreitt með vettvangsskýrslu.

Aðili í annarlegu ástandi var með ógnandi tilburði í sameing í hverfi 110. Kom í ljós að aðilinn var grunaður um líkamsárás og eignaspjöll. Dvelur hann í fangaklefa þar til hægt verður að taka af honum skýrslu.