Áhöfnin á TF-EIR æfði með slökkviskjólu – Sóttu vatn í Skorradalsvatn

Á dögunum æfði áhöfnin á TF-EIR, notkun slökkviskjólunnar sem var keypt frá Kanada í fyrra. Munu fleiri æfingar af sama meiði fara fram næstu daga.

Fór æfingin fram í Skorradal og fór áhöfnin nokkrar ferðir með skjóluna en vatnið sótti hún í Skorradalsvatn. Kemur þetta fram á heimasíðu Landhelgisgæslunnar í dag.

Þar segir einnig að Gæslan leggi mikið kapp á að æfa notkun skjólunna, á þessum árstíma en skjólan tekur um 2.000 lítra af vatni í hverri ferð.