Albert Guðmundsson, knattspyrnumaður, verður mögulega ákærður í október.
Eins og greint hefur verið frá í fjölmiðlum var knattspyrnumaðurinn Albert Guðmundsson kærður fyrir kynferðisafbrot í ágúst. Málið var til rannsóknar og lauk henni seint í september og er það nú komið á borð ákærusviðs Lögreglunnar á höfuðborgarsvæðinu. Mannlíf hafði samband við lögregluna til að spyrjast fyrir um mál Alberts.
„Nei, málinu hefur ekki verið úthlutað til ákæranda og bíður því afgreiðslu,“ svaraði lögreglan er þegar hún var spurð hvort eitthvað nýtt væri að frétta í málinu. Þá var einnig spurt hversu langan tíma tæki að taka ákvörðun um framhaldið í álíka málum, eftir að rannsókn lýkur.
„Þegar mál koma inn á ákærusvið úr rannsókn er þeim forgangsraðað. Þar skiptir til að mynda máli hvort að málið falli undir sérstakan forgang skv. fyrirmælum ríkissaksóknara, aldur máls og hvort að sakborningar sæti þvingunarráðstöfunum. Allt kapp er lagt á að afgreiða öll mál eins fljótt og unnt er og eftir röð.“
Þá herma heimildir Mannlífs að ákvörðun um hvort Albert Guðmundsson verði ákærður verði mögulega tekin í október.