- Auglýsing -
Úrslitakvöld Eurovision fer fram í Tórínó á Ítalíu þann 14. maí.
„Það er mikill heiður að fá að kynna stigin enda engir smá karakterar sem hafa gert það hingað til,“ segir Árný stolt.
„Ég er mjög spennt og hef fengið Lovísu Tómas til að sauma á mig svo ég líti nú þokkalega út þessar örfáu sekúndur,” segir Árný Fjóla Ásmundsdóttir úr gagnamagni Daða í samtali við Fréttastofu RÚV sem verður stigakynnir fyrir hönd Íslands í Eurovision í ár.
Árný Fjóla er meðlimur Gagnamagnsins sem tók þátt í Eurovision í Rotterdam í fyrra með lagið 10 years, en lagið var samið til hennar og samband hennar og eiginmanns hennar Daða Freys. Lagið lenti í 4. sæti í keppninni í fyrra sem er þriðji besti árangur Íslands í keppninni til þessa.