Vorboðinn ljúfi í Ármúlanum, tjaldurinn Tryggvi hefur slegið í gegn að undanförnu enda skemmtilegur með eindæmum. Eins og fram hefur komið í frétt Mannlífs hefur Tryggvi komið ásamt maka sínum, Tryggvínu, komið í Ármúlann á sama tíma í yfir þrjátíu ár. Ef allt gengur að óskum mun fjölga brátt í fjölskyldunni.
Gæða- og fréttastjóri Mannlífs, Kolbeinn Þorsteinsson náði tímamótaljósmyndum af parinu njóta ásta á bílaplani Mannlífs fyrir stuttu. Virðist sem ástaratlotin hafi nú borið ávöxt en Tryggvina sést nú á þaki Ísólar ehf sitja á sama staðnum án þess að hreyfa sig á meðan Tryggvi spígsporar í kring og rekur svartþresti í burtu sem hætta sér of nálægt.
Hér má sjá arfaslaka ljósmynd sem blaðamaður Mannlífs tók út um gluggann á skrifstofu samstarfskonu sinnar og hætti þannig lífi símans síns.
