Viljinn sakaði Atla Þór Fanndal, framkvæmdarstjóra Íslandsdeildar Transparency International, um þöggunartilburði í grein miðlisins. Atli Þór hafði skrifað athugasemd við frétt miðilsins, sem kom við kauninn á Birni Inga Hrafnssyni, ritstjóra Viljans. Í fréttinni er fjallað um ræðu Heiðrúnar Lindar Marteinsdóttur, framkvæmdastjóra Samtaka fyrirtækja í sjávarútvegi, sem hún flutti á Sjávarútvegsdeginum í Hörpu í fyrradag. Sakaði Atli Þór Viljann um að vera viljalaust verkfæri í höndum SFS, ef svo má að orði komast. Spurði hann hvers vegna Viljinn væri að borga undir „fréttatilkynningu“ frá SFS, að samtöking „gæti nú borgað undir eigin áróður.“ Í pistli Viljans um athugasemd Atla Þórs er hann sakaður um þöggunartilburði og pólitík. Við það er Atli þór allt annað en sáttur.
„Jæja, Viljinn enn einu sinni búinn að skrifa eitthvað froðufellandi bull um mig. Hann greyið Bingi getur ekki – gjörsamlega getur ekki – andað með nefinu þegar kemur að mér.“ Atli Þór kallaði svo pistil Björns Inga „ostasokkafýlupúkapistil“. Segir hann í Facebook-færslunni að Björn Ingi sé „hörundssár og aumur maður“ sem skrifi „reiðipistil“ um að Atli Þór sé að reyna að þagga niður „þennan fjandans miðil.“ Bætti hann við: „Jesús minn… við skulum hafa það alveg á hreinu að það er engin tilraun til þöggunar að spyrja hvers vegna miðillinn borgar ekki undir dreifingu á sínu besta efni.“ Því næst rifjar Atli Þór upp gömul hneykslismál tengdum Birni Inga: „Og já talandi um þöggun þá rústaði þessi maður fjölda fjölmiðla. Hann leppaði fyrir milljarðamæringa í yfirtöku á öflugum miðlum, rak svo í kjölfarið fréttafólk sem andað hafði rangt á vini hans og skyldi svo eftir sig skuldir og rústir. Ég ætla ekki að taka því þegjandi og hljóðalaust frá þessum gaur að ég stundi þöggun. Þvílíkur fáviti!“
Atli Þór skrifar svo eftirfarandi athugasemd við eigin færslu: „Hér er sem sagt athugasemdin sem fór svona með hann Binga. Auðvitað er það síðasta setningin sem pirrar Binga en það er hægt að túlka þetta sem alvöru spurningu en hann Bingi er svo veikgeðja að hann getur ekki annað en séð rautt í hvert sinn sem ég segi nokkuð. Sami maður krefst þess að við sem samfélag horfum framhjá öllum hans skemmdarverkum, brestum, framkomu við konur og þrotum nú þegar hann gengur með guði án alkahóls. Sumt breytist aldrei. Þessi maður er sami fávitinn og áður.“
Og Atli Þór var ekki hættur heldur skrifaði hann aðra athugasemd en þar kallar hann Björn Inga „hörundsáran aumingja.“:
„Og fyrir þá sem eru alveg að drepast úr leiðindum þá er hér smá umfjöllun um þennan hörundsára aumingja sem sakar mig um þöggun: http://www.thorfanndal.com/…/nyr-eigandi-dv-komid-vida…/“