„Áhugavert er hversu djúpstæður gamaldags rasismi getur verið,“ ritar Atli Bergmann sölustjóri í færslu sem hann birti á samfélagsmiðlum í gærkveldi.
Þar segir segir hann raunir sínar af því að hafa verið meðlimur í hópnum, „Israeli-icelandic conversation“ á samfélagsmiðlinum Facebook:
„ … sem að sögn Yogev Segal stjórnanda grúbbunar var til þess að koma á samtali venjulegs fólks á öruggum vettvangi til þess að auka skilning og fannst það hið besta mál til þess að víkka sjónarhorn mitt og komast úr bergmálshelli þeim sem algorithmi alnetsins vill loka mig inni í.“
Atli lýsir þá upplifun sinni af hópnum og meðlimum hans sem að megninu til eru Íslendingar og ísraelskir gyðingar:
„Það kom þó fljótlega í ljós að margir Ísraelar þar inni vildu alls ekki eiga samræður og vildu úthrópa mig sem hryðjuverkaaðdáanda og anti-semitista ef ég fór út af línunni.“
Að endingu hafi Atli gefist upp á að eiga í samskiptum og sat sem áhorfandi og lesandi:
„ … þar til að þessi tillaga hans Yogev (sjá link á frétt þess efnis hér fyrir neðan) lagði til í grúbbuna að allir Íslendingar tæku sig saman og ættu að kjósa gegn Bashar í íslensku söngvakeppninni!!!“
Í athugasemdum skilur Atli eftir hlekk að frétt af mbl.is, undir yfirskriftinni: „Ísraeli hvetur landsmenn til að kjósa Heru Björk“. Yogev Segal, stjórnandi grúppunnar, hafði skorað á meðlimi henni að sniðganga Bashar, palestínskan söngvara sem kosinn var til þátttöku:
„Þátttaka Bashars verður aldrei öðruvísi metin en pólitísk og það verður mun alvarlegra ef Ísrael verður ekki með,“ útskýrir Yogev.
Atli Bergmann segist hafa sett eina athugasemd við þráð Yogev: „ … þar sem ég sagði bara eitt orð „interesting“ [áhugavert]“.
„Nú er búið að henda mér út úr þessari grúbbu og blokkera og ég bið þau bara vel að lifa í sínum bergmálshelli,“ segir Atli og virðist létt.
Hér að neðan má sjá færslu Atla í heild: