Baldur Árni Guðnason Siglfirðingur lést í Svíþjóð sunnudaginn 24. júlí síðastliðinn. Þar bjó hann einn og hafði glímt við langvarandi veikindi. Hann var fæddur á Siglufirði 19. apríl 1958.
Trölli.is greinir frá þessu og einnig að fjölskylda hans hafi sett af stað söfnun svo hans hinsta ósk getist ræst, að hvíla við hlið einkasonar síns á Íslandi. Laufey, systir hans, sá fram á að það yrði erfitt þar sem það er kostnaðarsamt ferli að flytja Baldur til Íslands.
Börn hennar ákváðu því að leita á náðir almennings, á söfnunarsíðunni Gofundme, enda hefur það margsannað sig að margt smátt gerir eitt stórt. Nú þegar hafa safnast um ríflega þrjú þúsund dollara en áætlaður kostnaður við að flytja Baldur heim er um fimm þúsund dollar. Laufey segist gífurlega þakklát og djúpt snortin.
Hér má leggja fjölskyldu Baldurs lið.