- Auglýsing -
Í samfélagsmiðlinum X fer manna á milli myndskeið af barni aka leigubíl. Myndskeiðið var birt á miðlinum aðfaranótt mánudagsins. Í dagbók lögreglu sagði frá tilkynningu vegna barns sem ók á stolinni bifreið í Breiðholti. Ekki er vitað hvort um sama atvik sé að ræða.
Á myndskeiðinu stendur: „10 ára krakki að keyra Taxa.“
Þá sér maður hvar ökumaðurinn reynir að ná sambandi við barnið, sem ekur um með opna rúðu í grárri bifreið að gerðinni Nizzan Qashqai. Á þaki bílsins er merki leigubíls. „Hey stoppaðu bílinn,“ segir ökumaðurinn en krakkinn sinnir ekki ábendingu heldur gefur í.
Jóhann Kristófer birti myndskeiðið og ritar við það: „Þetta er það sem góða fólkið vill.“
Uppfært: Myndbandið hefur verið fjarlægt úr fréttinni að ósk Barnaverndar.