Bergþóra Eiðsdóttir féll í Sogið í gær, við björgun á tveimur hundunum sínum, þeim Medúsu og Aski. „Þegar Bergþóra var rétt komin út á ísinn brast og fór hún á bólakaf,“ greinir Eiður Haralds Eiðsson, faðir Bergþóru, frá inni á Fésbókarhópnum Hundasamfélagið.
„Við Bergþóra fórum að viðra hundana okkar í hádeginu í dag upp í Þrastarskóg eins og við gerum stundum. Sogið hafði lagt að hluta þar sem það rennur við skóginn. Þegar við vorum að ganga til baka meðfram ánni gerðist það að Medúsa hljóp út á ísinn til að athuga með fugla sem voru á ánni,“ hundurinn fór fram af brúninni og ofan í ána greinir Eiður frá.
Hundurinn, Medúsa, var aðframkominn gat með engu móti náð landfestu og synti um í örvæntinu. Bergþóru var ekki til setunnar boðið og tók að skríða út á þunnan ísinn til aðstoða dýrið: „… þó ísinn væri mjög þunnur og alls ekki mannheldur.“
„Bergþóru tókst þó að brjóta ísinn út til Medúsu með höndunum og eftir mikil átök að koma henni upp á skörina,“ ritar Eiður. Ekki vildi betur til en að hinn hundur Bergþóru, Askur, hafi einnig fallið í ána. Askur hafði á meðan björguninni stóð ekki vikið af árbakkanum.
Eiður segir afrek dóttur sinnar gríðarlegt: „Hún var gjörsamlega búin á því og alveg að niðurlotum komin þegar hún náði til lands. Við illan leik komust við þó heim …“
Líðan Bergþóru og hundanna er öll að koma til og þau búin að ná sér að mestu leyti eftir þessa svaðilför. Askur og Medúsa eru íslenskir fjárhundar. Askur er 13 ára og Medúsa er 3 ára.