Jóhann Páll Jóhannsson þingmaður Samfylkingarinnar furðar sig á svari Bjarna Benediktssonar fjármálaráðherra við fyrirspurn Jóhanns á Alþingi í dag. Og skyldi engan undra kannski en Bjarni var þar að svara spurningu Jóhanns um stéttarskiptingu á Íslandi.
„„Þetta fólk er ekki í sömu stöðu og við stjórnmálamenn eigum ekki einu sinni að reyna að tryggja öllum sömu stöðu í lífinu.“ Þetta sagði Bjarni Benediktsson í dag þegar ég spurði hvort barn öryrkjans fæddist inn í sömu stétt og fengi sömu tækifæri og barn stórútgerðarmannsins,“ skrifaði Jóhann Páll á Twitter í dag.
Ingibjörg nokkur skrifaði athugasemd við færsluna þar sem hún hæðist að fjármálaráðherra:
„Kannski vill BB taka upp „caste“ kerfi Hindúa, þar sem þú fæðist inn í stétt brahmina eða dahlía eða hvað þessar stéttir/caste þeirra heita og þér er ekki ætlað að breyta neinu um það. Kannski þú fæðist sem barn öryrkja af því að þú varst svo vond/ur í síðast lífi? Karma, sko!“
Þorleifur nokkur taldi sig geta hankað Jóhann Pál með sinni innkomu: „Sjáfstæðismenn voru í minnihluta á þinginu þegar þið vinstri menn komuð kvótakerfinu á, getið engum nema sjálfum ykkur kennt um það að fólk skuli læra á gallaðar reglur ykkar. Svo áttu eftir að svara þessu með ritara ykkar í xS, kannski viltu ekki horfast í augu við staðreyndir“
Axel nokkur ákvað þá að taka Þorleif í smá kennslustund: „Þú þarf að fræða sjálfan þig um stjórnskipan landsins á þessum árum 1984-1987. Hér er ljósmynd til glöggvunar. Aðaldriffjöðurin í að koma á kvótakerfinu var sjávarúvegsráðherra Framsóknar. Aldrei var hann félagshyggju maður, enn síður vinstri maður. Samfylkingin var ekki til.“