Bjarni Benediktsson, fjármálaráðherra, er gestur í nýjasta þætti hlaðvarpsþáttarins Þjóðmála. Þar ræðir Bjarni ýmis málefni, þar á meðal hælisleitendur, ríkisfjármálin, mögulegar skattlækkanir og óyndið innan ríkisstjórnarinnar.
Það er stundum sagt mynd segi meira en þúsund orð. Sú mynd sem er notuð til að auglýsa Bjarna sem gest Þjóðmála fellur undir þá skilgreiningu en á henni situr Bjarni fyrir fram risastórar Tuborg-auglýsingar og brosir sínu breiðasta. Eins og flestir vita þá eru auglýsingar á áfengi bannaðar á Íslandi. Það verður því að teljast áhugaverð ákvörðun hjá Bjarna að sitja fyrir á auglýsingamynd þáttarins með vöru sem er ólölegt að auglýsa á landinu. Auglýsendur á bjór hafa gjarnan haldið sig við það yfirskin að um léttbjór sé að ræða.
Hægt er vissulega að færa rök fyrir því að ekki sé beinlínis verið að auglýsa á Íslandi þar sem að Spotify sé ekki með beina starfsemi á Íslandi, heldur sé alþjóðalegt fyrirtæki sem starfi á veraldarvefnum. En að sama skapi er nokkuð augljóst að þátturinn Þjóðmál er markaðssettur fyrir íslenskan markhóp og greinilegt að auglýsingin mun að mestu leyti ná til Íslendinga.
Gísli Freyr Valdórsson er stjórnandi hlaðvarpsins en hann er þekkastur fyrir að vera fyrr. aðstoðarmaður Hönnu Birnu Kristjánsdóttur, þáverandi innanríkisráðherra, og aðild sína að Lekamálinu svokallaða og var Gísli var dæmdur í átta mánaða skilorðsbundið fangelsi fyrir sína aðild að málinu.