Bjarni er sár út í Sigríði: „Það er eft­ir­sjá af henni í flokk­starfi sjálf­stæðismanna“

Formaður Sjálfstæðisflokksins, Bjarni Benediktsson segir eftirsjá af Sigríði Á Andersen sem í gær tilkynnti að hún hefði yfirgefið Sjálfstæðisflokkinn og muni leiða lista Miðflokksins í öðru hvoru Reykjavíkurkjördæmanna í næstu kosningum.

„Hún hef­ur alla ævi verið virk í Sjálf­stæðis­flokkn­um. Það eru auðvitað von­brigði að hún kjósi að fara í fram­boð fyr­ir annað stjórn­mála­afl. Það er eft­ir­sjá af henni í flokk­starfi sjálf­stæðismanna,“ seg­ir Bjarni í sam­tali við mbl.is.

Sigríður var í viðtali á Sprengisandi á Bylgjunni í gær þar sem hún tilkynnti stóru tíðindin og sagði meðal annars: „Ég hef fylgst með Miðflokksmönnum, þeir hafa haldið uppi sjónarmiðum sem hafa verið í samræmi við mín sjónarmið í mörgum málum og þegar falast var eftir því við mig í upphafi þessarar viku að hugleiða þennan möguleika gat ég ekki annað en gert það, og komst að þeirri niðurstöðu að það væri tilefni til þess að vinna þessum sjónarmiðum frekara fylgi. Og þá var Miðflokkurinn heppilegur vettvangur,“ sagði Sigríður Á. Andersen í viðtalsþættinum Sprengisandur á Bylgjunni.

Bjarni segir í samtali við mbl.is að hann hefði frekar kosið að hafa með í kosningabaráttunni:

„Ég hefði frek­ar kosið að hafa hana með í bar­átt­unni í kosn­ing­un­um held­ur en að sjá hana fara í annað stjórn­mála­afl.“