- Auglýsing -
Vegfarandi hafði samband við neyðarlínuna í nótt eftir að hann varð vitni af manni ganga í sjóinn á Eiðisgranda. Slökkviliðið á höfuðborgarsvæðinu var kallað út en atvikið átti sér stað um klukkan hálf eitt í nótt. Vísir greindi frá málinu í morgun og ræddi við varðstjóra sem sagði að lið kafara hefði strax verið kallað út.
Þegar slökkviliðið kom á vettvang var maðurinn kominn í sjóinn og varð hann fljótt var við komu viðbragsaðila. Við það sneri maðurinn við og kom sjálfur upp úr sjónum. Þá sagði varðstjóri í samtali við Vísi að maðurinn hafi verið orðinn mjög blautur og kaldur. Hlúið var að manninum á staðnum en var hann síðar um nóttina fluttur á slysadeild þar sem hann fékk viðeigandi aðstoð.