Nú er ótrúlega stutt í jólin og fólki hlakkar til jóla. Mannlíf hafði samband við nokkra alþingismenn til að spyrjast fyrir um jólin hjá þeim. Hefðir, gjafðir, minningar og fleira í þeim dúr bar á góma. Björn Leví Gunnarsson, þingmaður Pírata, reið á vaðið.
„Ég hlakkaði alltaf til þess að hitta alla,“ sagði Björn Leví þegar hann var spurður um uppáhalds jólaminninguna. „Sérstaklega systkini mín sem eru þó nokkuð yngri en ég. Jólaminningarnar mínar eru um ferðalög til ömmu, pabba og systkina minna og þær samverustundir,“ en hann var einnig spurður hver hans uppáhalds jólagjöf sem hann hefur fengið væri.
„Ég er mjög praktískur,“ svarði þingmaðurinn „Þannig að besta jólagjöfin sem ég hef fengið er hjálmur með innbyggðum heyrnartólum. Þannig er ég öruggari á hjólinu og get hlustað á hljóðbækur á leiðinni í vinnuna líka. Þetta var gjöf til þess að vernda mig – og kom sér mjög vel þegar bíll keyrði á mig nokkrum mánuðum seinna.“
„Jólin eru afslöppuð,“ sagði Björn þegar hann var spurður hvernig jólin væru á hans heimili. „Fjölskyldan nýtti tækifæri síðustu jól, sem voru án gesta, til þess að hafa jólanáttfatajól. Við prófum líka alls konar mismunandi aðalrétti um jólin. Ég þarf þó alltaf að gera sama möndlugrautinn í eftirrétt á hverju ári sem mér finnst líka mjög gaman að gera.“