- Auglýsing -
Björn Leví Gunnarsson spyr hvort Áslaug Arna Sigurbjörnsdóttir hafi logið upp á Pírata í viðtali við Samstöðina.
Þingmaður Pírata, Björn Leví Gunnarsson skrifaði færslu á Facebook í morgun þar sem hann birtir skilaboð sem hann sendi Háskóla-, iðnaðar- og nýsköpunarráðherra, Áslaugu Örnu Sigurbjörnsdóttur. Í skilaboðunum segir hann ráðherrann hafa sagt að Píratar hafi gagnrýnt ríkisstjórnina fyrir að greiða niður lán, í viðtali í Rauða borðinu á Samstöðinni. Þessu neitar Björn Leví og spyr ráðherra hvort hún sé að ljúga upp á flokkinn.
Færsluna má lesa hér:
„Ég sendi HVIN ráðherra eftirfarandi skilaboð:
Áslaug Arna Sigurbjörnsdóttir
Sæl.
Ég heyrði í þér hjá bræðrunum í Rauða borðinu þar sem þú sagðir Pírata hafa gagnrýnt ríkisstjórnina fyrir að greiða niður lán.
Mér þætti vænt um að þú rökstyddir hvaðan þú hefur þetta því ég man ekki eftir að þetta hafi verið málflutningur Pírata. Það sem kemst næst þessu væri kannski þar sem við gagnrýnum forgangsröðun í niðurgreiðslu lána, þar sem það gleymist að taka tillit til innviða- eða þjónustuskulda. sem kosta okkur líka peninga til lengri tíma.
Þannig að, hvaðan hefur þú þetta eða ertu bara að ljúga upp á okkur?
—
Ég hlakka til að heyra svarið.“