- Auglýsing -
Björn Þorláksson, blaðamaður á Fréttablaðinu, virðist ekki hafa skemmt sér yfir dagskrá RÚV yfir hátíðirnar. Hann segir að algjört metnaðarleysi einkenni dagskrána um jólin. Það er af sem áður var að hans mati.
„Ríkisútvarpið virðist fullkomlega metnaðarlaust er kemur að jóladagskrá í sjónvarpi. Sú var tíðin að glænýtt menningarefni var framleitt og sýnt á stórhátíðum, voru þó fjárveitingar naumt skammtaðar miðað við stöðuna nú. Nú er ekkert að frétta og Samherjamógúll framleiðir skaupið! Hvað erum við að fá fyrir allt þetta fé beint úr vösum almennings?,“ spyr Björn á Facebook.
Hann hrósar aftur á móti dagskránni á Stöð 2. „Aftur á móti fær Heimir Már Pétursson feitt prik fyrir frábært viðtal við Vigdísi forseta á Stöð 2.“