- Auglýsing -
Björn Birgisson veltir fyrir sér ástæðunni fyrir brotthvarfi Helgu Völu úr þingmennsku.
Helga Vala Helgadóttir tilkynnti nokkuð óvænt brotthvarf sitt af þingi í morgun en hún ætlar nú að hefja aftur störf sem lögmaður. Björn Birgisson samfélagsrýnir veltir ástæðunni fyrir sér í færslu á Facebook í dag. Minnist hann á þann orðróm að Helga Vala og Kristún Frostadóttir formaður Samfylkingarinnar hefðu ekki átt í góðum samskiptum en segir að Helga Vala hafni þeim orðrómi. „Það er hennar opinbera skýring og þá gildir hún.“
Færsluna má lesa hér:
„Óvænt brotthvarf Helgu Völu Helgadóttur af þingi vekur mikla athygli og vekur upp ýmsar spurningar.
Hvers vegna þessi ákvörðun?
Hvers vegna núna?
Helga Vala segir að það hafi togað í sig að taka upp lögfræðistörf að nýju.
Það sé ástæðan.
Hún hafnar algjörlega þrálátum orðrómi um að hún og Kristrún Frostadóttir hafi átt verulega erfitt með að vinna saman.
Það er hennar opinbera skýring og þá gildir hún.“