Dagur B. Eggertsson borgarstjóri flutti ræðu á mótmælum gegn innrásarstríði Rússa í Úkraínu og líkneski var brennt fyrir framan sendiráðið.
Hópurinn Rússar gegn stríðinu og Samtök Hernaðarandstæðinga mótmæltu fyrir framan rússneska sendiráðið í Reykjavík fyrir stundu, í tilefni þess að í dag er liðið ár frá innrás Rússa inn í Úkraínu.
Mótmælafundurinn var nokkuð fjölmennur en haldnar voru nokkrar ræður en meðal ræðumanna var borgarstjóri Reykjavíkur, Dagur B. Eggertsson en einnig las rússneska ljóðskáldið Natasha S. ljóð. Þá var líkneski manns í jakkafötum brennt en gömul hefð er fyrir því í Úkraínu og Rússlandi að brenna líkneski til að kveðja veturinn en í þetta skipti var meiningin að kveðja ofbeldi og stríð.
Í viðburðalýsingu hópsins segir: „Þann 24. febrúar komum við saman til að minnast fórnarlamba stríðsins, sýna verjendum Úkraínu stuðning okkar og minnum okkur sjálf og heiminum enn og aftur á að hið góða sigrar hið illa. Að Úkraína mun vinna. Að Rússland verði frítt.“