Lögregla var kölluð út í gærkvöldi vegna tveggja hópa sem áttu í deilum. Um ungmenni var að ræða eða krakka á aldrinum fjórtán til fimmtán ára. Einn hafði ógnað öðrum hópi með hnífi en atvikið átti sér stað í Kópavogi. Lögregla haldlagði hnífinn og sendi viðeigandi tilkynningu á barnaverndarnefnd.
Síðar um kvöldið var karlmaður handtekinn í miðbæ Reykjavíkur eftir að hann hafði skallað mann inni á skemmtistað. Þegar dyravörður ætlaði sér að fjarlægja manninn ákvað hann að bíta dyravörðinn. Þegar lögregla kom á vettvang sýndi dyravörðurinn lögreglu áverkana sem stemmdu við lýsinguna. Þá kemur fram í dagbók lögreglu að margar tilkynningar hafi borist í nótt vegna ölvaðs og ósjálfbjarga einstaklinga sem lögregla þurfti að aka til síns heima. Fimm manns gistu í fangaklefa í nótt.