Bruni í Hreyfilshúsinu við Grensás

Eldur hefur komið upp í Hreyfilshúsinu við Grensás. Mikill viðbúnaður slökkviliðs og lögreglu er á staðnum. Umferð um Fellsmúla er lokuð. Mikinn reykjarmökk og fnyk leggur yfir svæðið. Fólki er ráðlagt að loka gluggum í nágrenni við brunann.

Slökkviliðið telur sig hafa náð tökum á eldinum sem kom upp í smurverkstæði. Dekkjalager er í húsnæðinu og er því mengun talsverð og eldsmatur mikill og erfiður viðureignar.

Allt tiltækt slökkvilið á höfuðborgarsvæðinu er á staðnum. Fólk er beðið að halda sig fjarri.

Fréttin verður uppfærð.