Búið að ræða við bílstjóra Samskipa: „Lítum við þetta mjög alvarlegum augum“

Rætt hefur verið við bílstjóra sem sýndi af sér glæpsamlegt háttarlag við framúraksturs vöruflutningabíls á vegum fyrirtækisins. Atvikið átti sér stað um fjögur leytið í gær, á veginum milli Borgarness og Munaðarness. Litlu mátti muna að stórslys hefði orðið. Mannlíf leitaði viðbragða hjá Samskipum.

Í svari Þórunnar Ingu Ingjaldsdóttur markaðs- og upplýsingastjóra Samskipa segir:

„Við hörmum þetta atvik, þetta er engan veginn í samræmi við verklag Samskipa og lítum við þetta mjög alvarlegum augum.

Búið er að ræða við bílstjórann og verið er að skoða næstu skref.“

Sjá nánar:

Háskalegur framúrakstur vörubílstjóra Samskipa: „Ómægod – Fáviti!“ – SJÁÐU MYNDSKEIÐIÐ