Karlmaður var dæmdur í Héraðsdómi Reykjaness fyrir brot í nánu sambandi og kynferðisbrot. Hann endurtekið og á alvarlegan hátt ógnaði heilsu og velferð þáverandi kærustu sinnar, á árunum 2019-2020.
Ákæran er í fimm liðum og var fyrsta brotið talið vera í enda árs 2019.
„Með því að hafa í að minnsta kosti þrjú skipti á tímabilinu frá 5. október 2019 til 1. desember sama ár, án samþykkis og vitneskju Y, tekið upp og vistað á síma sinn tvö myndskeið og eina ljósmynd af henni hafa samræði og önnur kynferðismök við ákærða“
„Með því að hafa, á tímabilinu 2. nóvember 2019 til 20. febrúar 2020, án samþykkis Y, sent eiginmanni hennar myndskeið af henni og ákærða hafa samræði og önnur kynferðismök í gegnum samskiptaforritið WhatsApp, en með háttsemi sinni móðgaði og smánaði ákærði Y“
„Með því að hafa í tvö skipti, á tímabilinu frá 2. nóvember 2019 til 10. mars 2020, hótað því að dreifa 58 myndskeiðum afkynferðislegri háttsemi Y án hennar samþykkis.“
„Með því að hafa mánudaginn 6. júlí 2020, í svefnherbergi ákærða á heimili hans að, veist að Y, klipið hana í kynfærasvæði, tekið um höfuð hennar og í tvígang slegið því í gluggakistu og slegið hana á báðar rasskinnar, allt með þeim afleiðingum að hún hlaut þreifieymsli á kynfærasvæði, aftan á höfði og á báðum rasskynnum“
„Með því að hafa ítrekað sent Y hljóðskilaboð þar sem hann meðal annars lýsti Ysem óheiðarlegri, uppnefndi hana, hótaði að eyðileggja líf hennar, eyðileggja allar hennar eigur og bifreiðar með því að keyra þeim í sjóinn, en umrædd hljóðskilaboð voru til þess fallin að vekja hjá henni ótta um líf, heilbrigði og velferð sína eða annarra.“
Ákærði játaði brotin en krafðist vægustu refsingar. Hann fékk sex mánaða fangelsisdóm en þrír þeirra voru skilorðsbundnir. Haldi maðurinn skilorði í þrjú ár fellur sú refsing niður. Farsími hans var gerður upptækur og var honum gert að greiða málsvarnarlaun verjanda síns sem nemur um hálfri milljónum króna.