Dagur B. Eggertsson borgarstjóri ætlar að bjóða sig aftur fram og verður því í boði sem oddviti Samfylkingarinnar í sveitastjórnakosningunum í vor. Þetta tilkynnti hann í viðtali í Morgunútvarpi Rásar 2.
Dagur hefur legið lengi undir feldi og lítið gefið út um það hvort hann ætlaði að gefa áfram kost á sér. Nú liggur það fyrir að hann verður áfram og það segist hann gera þar sem það séu enn svo stór mál ókláruð. Maður á miðjum aldri hafi komið á mál við Dag og sagt hann ekki geta hætt núna.
Í Morgunútvarpinu sagði Dagur að hann hefði þó kannski komist að annarri niðurstöðu síðasta vor. Dagur sagði að skotárásin hefði haft meiri áhrif en hann hefði viljað viðurkenna í fyrstu. Hann og eiginkona hans hefðu verið búin venja sig á að fara út að ganga á kvöldin en þau hefðu hætt því eftir þetta.
Dagur hefur verið borgarstjóri í Reykjavík frá árinu 2014. Áður hafði hann gegnt embætti borgarstjóra um stutta hríð veturinn 2007-2008 og var formaður borgarráðs frá 2010-2014.