Daníel rakaði inn seðlum.
Íslenski pókerspilarinn Daníel Már Pálsson hefur heldur betur staðið sig í stykkinu í Suður-Kóreu undanfarna daga en hann hefur tekið þátt í fimm mótum sem staðið hafa yfir þar í landi í mars.
Samkvæmt heimasíðu Triton Poker, sem heldur mótin, vann Daníel 68800 þúsund dali í móti 6. mars, 43500 dali þann 9. mars og 82 þúsund dali í dag. Það gera rúmar 26 milljónir króna og nokkuð ljóst um að Daníel er með betri pókerspilurum sem Ísland hefur alið upp. Daníel lenti í 13. sæti, 47. sæti og 9. sæti í þeim mótunum sem hann fékk verðlaunafé fyrir. Daníel mun þá að öllum líkindum vinna meiri pening þrátt fyrir að hann sé dottinn úr leik sem hluti af hliðarleik sem er stundum í pókermótum en ekki liggur fyrir á þessari stundu hversu há fjárhæð það verður.
Moneytime https://t.co/GP9BuVXOBe
— Daníel Már Pálsson (@danielmarpoker) March 7, 2024