Kristinn Hrafnsson spyr hvernig íslensk yfirvöld ætli að bregðast við lögum um dauðarefsingu yfir samkynhneigðum í Úganda.
Yfirvöld í Úganda breyttu lögum fyrr í sumar, sem gerðu það að verkum að „samkynhneigð af ásetningi“ er dauðarefsing. Kristilegur þrýstihópur frá Bandaríkjunum er talinn tengjast hinum ógeðfelldu lögum eins og fram kemur meðal annars hér.
Kristinn Hrafnsson, ritstjóri Wikileaks spyr í nýrri færslu á Facebook hvernig stjórnvöld á Íslandi ætli að bregðast við einum „ógeðslegustu lögum gegn samkynhneigðum sem gilda í heminum,“ og á þá við lagabreytingu sem gerð var í Úganda fyrr í sumar en hún þýðir að hægt sé að krefjast dauðadóms vegna „samkynhneigðar af ásetningi.“ „Það er spurt vegna þess að Ísland er með sendiráð í Úganda (aðeins eitt annað er í allri Afríku),“ skrifar Kristinn og bætir við: „Það má því líta svo á að Úganda sé alveg sérstakt vinaríki Íslands.“