Búist er við dimmum éljum sunnan- og vestanlands í dag en má gera ráð fyrir að færð verði erfið. Á morgun tekur að hvessa og er útlit fyrir storm seinnipart dagsins á sunnanverðu landinu sem dregur út annað kvöld.
Veðurhorfur á landinu næstu daga, samkvæmt Veðurstofu Íslands:
„Á fimmtudag:
Suðvestan 8-15 og skúrir eða él, en hægari seinnipartinn og allvíða rigning eða slydda um kvöldið. Lengst af þurrt um landið norðaustanvert. Hlýnandi, hiti 1 til 8 stig undir kvöld.
Á föstudag:
Gengur í suðvestan 13-20 og kólnar með éljum, en úrkomulítið á Norðaustur- og Austurlandi. Frost 0 til 7 stig seinnipartinn.
Á laugardag:
Suðvestlæg eða breytileg átt og él, en lengst af þurrt á Austurlandi. Frost 0 til 12 stig, mildast við suðvesturströndina.
Á sunnudag:
Norðlæg eða breytileg átt og él, en þurrt að kalla um landið suðvestanvert. Kalt í veðri.“