Skáldið, vínáhugamaðurinn og uppistandarinn Dóri DNA hefur lengi pælt í borgarskipulagi og skrifaði pistil fyrr í dag um framtí’ þess á höfuðborgarsvæðinu en óhætt er að segja að rapparinn sé fylgjandi Borgarlínunni.
„Ég held að sá stjórnmálaflokkur sem stingur upp á því að brjóta nýtt land OG þétta byggð muni slá í gegn.
Íslenski vandinn – öfgarnar. Við byggðum dreift forever, hættum svo nánast að byggja til að laga það.
Og nú sýnist mér þeir vera lofa því að hætta að þétta, til að laga hitt – bara svo einhver geti komið eftir nokkur ár og lofað að laga það,“ skrifar Halldór á Twitter um málið.
Milljón hlutir með og móti Borgarlínu
„Borgir þurfa að stækka.
Byggðin þarf að vera vönduð og þétt – ekki annað hvort. Sá sem segir þér annað, hann er ekki lausnin – hann er vandinn.
Það má segja milljón hluti um og gegn og með Borgarlínu en kæru lesendur mínir, hvort sem þið eruð nýju hægri sinnuðu survival of the fittest vinir mínir eða gömlu vinstri sinnuðu dýrin í hálsaskógi félagar mínir…
Ekki hlusta á einhvern tala um Borgarlínu, sem talar bara um samgönguhlutann. Sá aðili er annað hvort of vitlaus til að skilja verkefnið, eða það er af annarlegum hvötum sem hann hundsar hvað verkefnið er – það er skipulagsverkefni,“ heldur hann áfram og útskýrir svo Borgarlínuna fyrir lesendum.
Ekki hægt að laga slæma umferð
„Hérna er útskýringin í sinni einföldustu mynd.
Það á að strengja línu yfir Reykjavík og þróa byggðina eftir þeirri línu – svo borgin fúnkeri. Nágrannasveitarfélög munu svo strengja línu, á þá línu – og þróa byggðina eftir henni.
Þetta er svo fkn beisikk. Að maður þarf bara að hafa séð framan á Sim City hulstrið til að vita að þetta er það eina sem virkar; þjónustan verður að vera nálægt íbúunum og það þarf að vera auðvelt að komast á milli.
Vegakerfi í borgum eru hæg og óáreiðanleg, engri borg í heiminum hefur tekist að laga slæma umferð.
Þess vegna þarf þessi lína að standa utan umferðarinnar – eins og í öðrum borgum í heiminum.
Það má svo hafa milljón skoðanir um hvar á að strengja þessa línu, hvað hún má að kosta og hverskonar tæki við ætlum að leiða í gegnum hana og hvort tölvur muni stýra þessum tækjum eða fólk, hvort við ætlum að grafa hana eða byggja hana upp á pöllum eða hvað.“
Hvetur andstæðinga til að flytja
Halldór telur að Borgarlínan sé nauðsynlega í stækkandi borg eins og Reykjavík.
„En ef þú ferð að spyrða þessu saman við mislæg gatnamót eða fjárfestingu í gatnakerfinu eða einmitt niðurlægja sjálfan þig með því að láta eins og það sé einmitt annað hvort eða…Að við þurfum annað hvort að þróa borgina eða laga umferðina á Miklubrautinni.
Þá held ég að þér myndi líða betur í dreifðari byggð og minni bæ og ættir kannski ekki að taka mikinn þátt í nákvæmlega þessari umræðu.
ég veit ekki afhverju ég skrifaði þetta. ég settist bara niður til að leita að símanúmeri.“