Dorrit Moussaieff vandar forsætisráðherra Ísraels kveðjur sínar í færslu á Instagram. Fyrrum forsetafrúin er afar góð vinkona forseta Ísraels.
Í kjölfar fyrirspurnar Mannlífs til Dorritar Moussaieff, um afstöðu hennar gagnvart ráðamönnum í Ísrael, birti hún yfirlýsingu á Instagram-reikning sinn í gærkvöldi. Þar er hún ómyrk í máli gagnvart Benjamin Netanyahu, forsætisráðherra Ísraels. „Ég ákæri Netanyahu. Hann er ábyrgur fyrir gíslunum og stríðinu,“ segir hún í yfirlýsingunni og er þar að tala um gíslana sem Hamas tók í árásinni 7. október og stríðið sem fylgdi í kjölfarið, þar sem ísraelsk stjórnvöld hafa farið offari að margra mati en Suður Afríka kærði ríkið til Alþjóðaglæpadómstólsins fyrir þjóðarmorð.
Dorrit, sem sjálf er Ísraelsk segir Netanyahu segir að Ísraelar þurfi að hætta að trúa lygum hans. „Hann kennir öllum um nema sjálfum sér! Ísrael þarf að hætta að trúa lygum forsætisráðherrans sem mun gera og segja hvað sem er til að halda áfram í embætti.“
Í skriflegu svari til Mannlífs varðandi kynni hennar af forseta Ísraels, Isaac Herzog en á dögunum birti hún ljósmynd af þeim tveimur saman. Sagði hún í svarinu að hún þekkti forsetan mjög vel og að foreldrar hennar hefðu þekkt foreldra hans. Hældi hún honum mjög og sagði hann góðan vin sinn.
