Fjölmiðlamaðurinn eldhressi Egill Helgason biður fólk um að fara varlega.
Nú er sá tími sem hálka og klaki gerir fólk gráhært því það er fátt jafn niðrandi og detta eins og belja á svelli og mögulega slasa sig alvarlega í leiðinni. Egill Helgason skrifar færslu á samfélagsmiðlinn Facebook veltir ýmsu fyrir sér í þessu samhengi. „Af öllu því sem vont er að eiga við á Íslandi eru svellin einna erfiðust,“ skrifar bókagagnrýnandinn.
„Hvernig var þetta fyrir forfeður okkar og formæður að paufast yfir svell á tíma þegar var engin lýsing og ekki sandað eða saltað? Nógu slæmt er þetta í borg eins og Reykjavík á öðrum degi ársins 2024. Farið varlega – maður heyrir af fólki sem er að fá slæmar byltur í hálkunni.“
Nú er að vona að bæjarfélögin verði dugleg að salta og sanda svo almenningur fylli ekki bráðamótttökuna með beinbrotum.