Einn einstaklingur lést og tveir voru fluttir á sjúkrahús eftir að eldur kviknaði í báti við Njarðvíkurhöfn rétt eftir klukkan tvö í nótt. Rúv sagði fyrst frá slysinu.
Sigurður Skarphéðinsson, varaslökkvistjóri hjá Brunavörnum Suðurnesja segir að mikill eldur hafi logað í bátnum og að er slökkvlilið mætti á staðinn hafi einn einstaklingur verið kominn út úr honum.
Alls höfðu þrír verið um borð en tveir komust út úr bátnum af sjálfsdáðum. Voru þeir fluttir á sjúkrahús og slökkviliðið fór um borð til að ná í þann þriðja. Framkvæmdar voru endurlífgunartilraunir á vettvangi sem ekki báru árangur. Var einstaklingurinn þá fluttur á sjúkrahús þar sem hann var úrskurðaður látinn.
Samkvæmt Sigurði er búið að slökkva eldinn en slökkviliðið er enn að störfum á vettvangi.